14 марттан Татарстанда авыл хуҗалыгы ярминкәләре башланачак

14 марттан Татарстанда авыл хуҗалыгы ярминкәләрендә сәүдә башланачак. Сату мәйданчыклары эшчәнлеген яңарту турында ТР Авыл хуҗалыгы һәм азык-төлек министрлыгы башлыгы Марат Җәббаров ведомство коллегиясендә хәбәр итте.

"Авыл хуҗалыгы социаль йөкләмә башкара: халыкны уңай бәядән азык-төлек белән тәэмин итә. Моңа безнең традицион ярминкәләр дә ярдәм итә", — дип ассызыклады Җәббаров.

Министр сүзләренчә, узган ел ярминкә сәүдәсе 2 млрд сумнан артык керем китергән. Искәртик, ярминкәләр «Нәтиҗәле һәм көндәшлеккә сәләтле икътисад» илкүләм проекты кысаларында уза.

Фото: ТНВ