Авылда эшче куллар картая, сөт арзаная: министрлык коллегиясендә күтәрелгән мәсьәләләр

Сөтне сатып алу бәяләренең кисәк төшүе, авылда эшләүчеләрнең картаюы, терлек саны кимү, кайбер районнарның авыл хуҗалыгы буенча күрсәткечләрен яхшырта алмавы - бүген Авыл хуҗалыгы һәм азык-төлек министрлыгы коллегиясендә күтәрелгән төп проблемаларның бер өлеше генә.

Ул ел саен Республика Рәисе Рөстәм Миңнеханов катнашында уза. Быелгы утырышта - Дәүләт киңәшчесе Минтимер Шәймиев, Дәүләт Советы рәисе Фәрит Мөхәммәтшин һәм Хөкүмәт вәкилләре тулы составта диярлек бар иде. Республикада узган ел 400 млрд сумлык авыл хуҗалыгы продукциясе җитештерелгән. Бу күрсәткечләр буенча Татарстан - Россиядә 4 нче, Идел буе округында 1 нче урында бара.

Сөт бәяләре буенча федераль җитәкчелеккә нинди мөрәҗәгать яңгырады? Федераль кибет киштәләрендә үзебезнең продукциягә урынны күбрәк бирерләрме? Тулырак Гөлназ Сәйфетдинова репортажында.