Татарстанда хуҗалыкларга ягулык запасы булдырырга киңәш иттеләр

Кичә республика Авыл хуҗалыгы министры хуҗалыкларга ким дигәндә 10 көнгә җитәрлек ягулык запасы тупларга киңәш итте. Бу эшнең иң кызган чорында тоткарлыклар килеп чыкмасын өчен кирәк.

Республиканың нефть эшкәртүче оешмалары авыл хуҗалыгы тармагын ягулык белән даими рәвештә ташламалы бәядән тәэмин итә. Быелгы чәчү кампаниясе өчен 34 мең тонна ягулык җибәрелгән.

Хөкүмәт йортында Марат Җәббаров язгы кыр эшләренә нәтиҗә ясады. Очрашу барышында шулай ук мөһим сораулар да күтәрелде: ни өчен сөтне сатып алу бәясе артмый, ә складларда сыр күләме арта; йомырка бәясе төшү файдагамы, әллә зыянгамы.

Журналист Гөлназ Сәйфетдинова әлеге мәсьәләләрне министрга җиткерде.