Урак өсте: Быел Татарстанда бөртекле һәм кузаклы культуралар 1 миллион 168 мең гектарда чәчелгән

Бу атнада Республика игенчеләре уракка төште. Комбайннар 20 районда кырга чыккан. Быел Татарстанда бөртекле һәм кузаклы культуралар 1 миллион 168 мең гектарда чәчелгән. Мул уңыш җыелыр, дип фаразлана. Бүгенгә гектардан уртача 44 центнер ашлык чыга.

Хуҗалыкларда 400 дән артык киптерү комплексы эшләячәк. Хәзер урып-җыю эшләренә ныклап керешергә көчле яңгырлар комачаулый. Ике атна элек ягулык кризисы да зур борчуга салган. Бүген Гөлназ Сәйфетдинова Балык Бистәсенә юл тотты. Монда замана сынауларын ничек җиңәләр? Әйдәгез репортажны карыйк.