400 мең тоннадан артык ашлык: Татарстанда бөртеклеләрне урып-җыю башланды

Татарстанда барлык районнар да бөртеклеләрне урып-җыюга кереште. Бүгенгә 400 мең тоннадан артык ашлык суктырылган. Кайбер кырларда ул гектарыннан 60 центнер чыга. Бу хакта бүген Буада узган зона семинарында сөйләштеләр.

Очрашуда авыл хуҗалыгы министры Марат Җәббаров катнашты. Ашлыкны сату бәясе төшү сәбәпле, хәзер техник культураларга ихтыяҗ арткан. Республика буенча көнбагыш, рапс, соя мәйданнары арттырыла. Уракны тәмамларга ягулык җитәрлекме? Ни өчен көзге чәчүне хәзердән үк кайгырталар? Инзилә Хөсәенова репортажында.