Быел шикәр чөгендере уңышы кырларда ята

Быел Татарстан кырларында шикәр чөгендере ишелеп уңган. Әмма ул кырда ятарга мәҗбүр. Уңыш күп булганлыктан, шикәр заводлары эшкәртеп тә, кабул итеп тә өлгерә алмый. Гомумән, Россиядә шикәр комы запасы моңарчы булмаган күләмдә тупланган. Һәм ул быелгы бәягә тәэсир итә.

Безнең иҗат төркеме бүген Тәтеш районы кырларында булып кайтты. Ни өчен монда соңгы чөгендерне киләсе елга гына заводка илтмәгәек, диләр? Руслан Хөснетдинов материалы.