Казан халкына мобиль интернет эшендәге өзеклекләрнең нәрсә белән бәйле булуын аңлаттылар

Татарстан башкаласында мобиль интернет эшендәге өзеклекләр БРИКС саммиты вакытында иминлек тәэмин итү белән бәйле. Бу хакта «Татар-информ» чараның оператив штабына сылтама белән хәбәр итә.

«Казанда БРИКС саммиты уздыруга бәйле рәвештә иминлек тәэмин итү чаралары көчәйтелде, шул сәбәпле мобиль интернет эшендә урыны белән вакытлыча өзеклекләр булырга мөмкин», - диелә чыганак хәбәрендә.

Шул ук вакытта кәрәзле телефоннар аша ашыгыч хезмәтләргә («112» һәм башкалар) шалтырату мөмкинлеге саклана.

Фото: photo-summit.brics-russia2024.ru