Беларусь Президенты Александр Лукашенко Казанга килеп җитте

Казанга БРИКС саммиты чараларында катнашу өчен Беларусь Республикасы Президенты Александр Лукашенко килде. Халыкара аэропортта аны Татарстан Рәисе Рөстәм Миңнеханов каршы алды, дип хәбәр итә Рәис матбугат хезмәте.

Лукашенко Россия Президенты Владимир Путин чакыруы буенча «БРИКС+» форматындагы утырышларда катнашу өчен килде.

Исегезгә төшерәбез, БРИКС саммиты 22-24 октябрьдә Казанда узачак. Россия Президенты Владимир Путин барлык кунаклар белән дә ике яки күп яклы утырышлар уздыра.

Фото: rais.tatarstan.ru