Путин: Россия доллар белән көрәшми, ә альтернативалар эзли

РФ Президенты Владимир Путин киңәйтелгән составтагы БРИКС саммиты утырышында белдергәнчә, Россия доллар белән көрәшми, ә альтернативалар эзли. Бу хакта ТАСС хәбәр итә.

Путин долларны сәяси максатларга ирешү өчен корал сыйфатында кулланалар дип саный. «Ләкин без моны эшләмибез бит, моны башка кешеләр эшли. Без баш тартмыйбыз, доллар белән көрәшмибез, ләкин, әгәр безгә аның белән эшләргә бирмиләр икән, нишләргә соң? Без ул очракта башка альтернативалар эзләргә мәҗбүр", - диде ул.

Фото: Рамиль Ситдиков / фотохост-агентство brics-russia2024.ru