Татарстанда балаларда коронавирусның авыр очраклары теркәлгән

Республика клиник хастаханәсенең баш табибы Рафаэль Шәвәлиев балалар коронавирусны авыррак кичерә башлавын әйтте. Бу хакта "Татар-информ" хәбәр итә.

Шәвәлиев сүзләренә караганда, балигъ булмаган балалар өзлегүләр белән авырый башлаган.  "Әгәр элек алар авырый, дип әйтсәк, хәзер без балаларның авыруын күрәбез, өстәвенә шактый авыр формада", - дип билгеләде РКХ баш табибы.