Татарстанда миллионынчы вакцина ясатучы кем ул?

Кичә Татарстанның 1 миллионынчы кешесенә коронавирустан прививка ясадылар. Ул Казанда яшәүче Наилә Шаһабиева булып чыкты.

1 ел элек ханым ковид йоктырган була һәм авыру анда бик катлаулы уза. Шуңа көзге сезон башлангач та, гаиләләре белән хастаханәгә килеп вакцина ясатырга булалар. Татарстанда миллионынчы кеше вакцина ясатса да, күмәк иммунитет булсын өчен, ким дигәндә, тагын 800 мең кешенең ясатуы кирәк.

Халык хәзерге кебек ашыкмаса, без кышка иммунитетсыз керәчәкбез, ди табиблар. Алия Хәйретдинова бу очракта ашыгуның урынлы икәненә ышанып кайтты.