Татарстанда тагын дүрт ир-ат һәм бер хатын-кыз коронавирус корбаны булды

27 сентябрь кичендә Татарстан Сәламәтлек саклау министрлыгы коронавирус йоктырганнан соң вафат булган республика халкы саны буенча мәгълүматларны яңартты. Аларның гомуми саны 736га җиткән.

Авыру нәтиҗәсендә 75, 65, 64 һәм 57 яшьлек дүрт ир-ат, шулай ук 60 яшьлек хатын-кыз вафат булган.

Министрлыкта татарстанлыларның үлем сәбәпләре патологоанатомик экспертиза белән расланган.

Фото: pixabay.com