Татарстанда коронавирусны тагын 61 кеше йоктырган

Татарстанда коронавирус белән авыруның 61 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

61 кешенең егермесен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Шулай ук Лаеш һәм Тукай районнарында да күрсәткечләр артып киткән.

Фото: pixabay.com