Тәүлек эчендә Татарстанда коронавирустан тагын 5 кеше вафат булган

Татарстан Сәламәтлек саклау министрлыгы мәгълүматларына караганда, узган тәүлектә республикада COVID-19 вирусыннан тагын 5 кеше вафат булган. ТР пандемия башланганнан бирле коронавирус корбаннарының гомуми саны 748гә җиткән.

Ковидның яңа корбаннары арасында 86, 74 һәм 62 яшьлек өч хатын-кыз, шулай ук 69 һәм 52 яшьлек ике ир-ат бар. Татарстанлыларның үлем сәбәпләре патологоанатомик экспертиза белән расланган.

Фото: pixabay.com