Татарстанда коронавирус аркасында тагын 7 кеше вафат булган

7 октябрь кичендә Татарстан Сәламәтлек саклау министрлыгы коронавирус аркасында вафат булган республика халкы саны буенча мәгълүматларны яңартты. Аларның гомуми саны 781гә җиткән.

Авыру нәтиҗәсендә 80, 75 һәм 68 яшьлек өч ир-ат яңа корбаннар булды. Моннан тыш, 81, 77, 72 һәм 80 яшьтә дүрт хатын-кызның гомере өзелгән.

Министрлыкта татарстанлыларның үлем сәбәпләре патологоанатомик экспертиза белән расланган.

Фото: pixabay.com