Татарстанда волонтерлар өлкән яшьтәге кешеләргә QR-код алырга ярдәм итәчәк

Волонтерлар 65 яшьтән өлкәнрәк яшьтәге татарстанлыларга QR-кодлар алуда ярдәм итәчәкләр. Шулай итеп, республикада халыкка ярдәм күрсәтү өчен федераль кайнар линия эше яңадан башланды, дип сөйләде ТР Президенты матбугат хезмәте җитәкчесе Лилия Галимова.

Мәсәлән, QR-кодлар алуда кыенлыклар кичерүче гражданнарга 8 800 200 34 11 телефон номеры буенча шалтыратырга кирәк, шуннан соң гариза "ОНФ. Помощь" системасына кертеләчәк. Соңрак белгечләр «МЫ ВМЕСТЕ» региональ штабына мөрәҗәгать юллый.

Исегезгә төшерәбез, 11 октябрьдән Татарстан Республикасы җирлегендә QR-кодлар гамәлгә кертелде. QR-кодларны коронавируска каршы вакцинация ясаткан кешеләргә бирелә.

Фото: pixabay.com