Татарстанда коронавирус белән тагын 101 кеше авырый башлады

Татарстанда коронавирус белән авыруның 101 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

101 кешенең егерме җидесен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Биредә 46 һәм 16 кеше авырый. Чистай һәм Норлат районнарында 7 һәм 6 авыру очрагы табылган.

Фото: pixabay.com