Татарстанда тәүлек эчендә 103 кеше коронавирус белән авырый башлады

Татарстанда коронавирус белән авыруның 103 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

103 кешенең егерме бишен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Биредә 47 һәм 24 кеше авырый. Түбән Кама һәм Яшел үзән районнарында 8 һәм 6 авыру очрагы табылган.

Фото: pixabay.com