Татарстанда коронавирус тагын 11 кешенең гомерен өзгән

Татарстан сәламәтлек саклау министрлыгы коронавирустан үлүчеләр саны буенча статистиканы яңартты. Соңгы тәүлектә генә дә республикада коронавирус аркасында 11 татарстанлы вафат булган. Шулай итеп, ТРда пандемия башланганнан бирле коронавирус аркасында үлем очраклары 877 җиткән.

COVID-19 вирусының яңа корбаннары арасында 60тан 86 яшькә кадәрге 7 хатын-кыз, шулай ук 64 яшьтән 73 яшькә кадәр булган 4 ир-ат бар.

Министрлыкта татарстанлыларның үлем сәбәпләре патологоанатомик экспертиза барышында раслануын билгеләп үттеләр.

Фото: pixabay.com