Татарстанда тәүлек эчендә 131 коронавирус белән зарарлану очрагы ачыкланган

Татарстанда коронавирус белән авыруның 131 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

131 кешенең утыз сигезен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Биредә 59 һәм 25 кеше авырый. Норлат һәм Түбән Кама районнарында 8 һәм 6 авыру очрагы табылган.

Фото: pixabay.com