Эшләми торган көннәрне игълан иткәч, чит илгә юллама алырга теләүчеләр арткан

Россия төбәкләренең барысында да эшләми торган көннәр 30нчы октябрьдән башланачак. Мәскәүдә генә 28еннән кертергә булганнар. Бу хакта аларның оператив штаблары хәбәр итте.

Күрелгән чаралар илдә коронавирус таралуын киметергә тиеш. Татарстанда эшмәкәрләр бу чорга әлегә фаразлар гына бирә.

Яллар бер атна гына булырмы, әллә өстәлерме — моны республика штабы киләсе атнада тәгаенләргә тиеш. Әмма хәзер ресторан хуҗалары булачак зыянны исәпли инде, ә туристлык операторлары әлегә берни аңламый. Чит илгә юллама алырга теләүчеләр арткан. Гөлназ Сәйфетдинова шушы теманы дәвам итә.