Татарстанда катгый чикләүләр режимы 30 октябрьдән эпидемиологик хәлнең яхшыруына кадәр дәвам итәчәк

Татарстанда катгый чикләүләр режимы 30 октябрьдән эпидемиологик хәлнең яхшыруына кадәр дәвам итәчәк. Бу хакта ТР Премьер-министры урынбасары Фазлыева Ләйлә Ринат кызы республика оперштабы утырышы нәтиҗәләре буенча матбугат конференциясе барышында хәбәр итте.

Шулай ук ул киләсе атнадан, 30 октябрьдән 7 ноябрьгә кадәр, Татарстанда вакцинацияне узмаган яки соңгы алты ай дәвамында коронавирус белән авыруны кичермәгән 60 яшьтән өлкәнрәк кешеләр өчен мәҗбүри изоляция кертелүе турында әйтте.

Матбугат конференциясенең туры трансляциясен безнең YouTube-каналда карый аласыз.