Татарстанда узган тәүлектә коронавирустан 18 143 кеше прививка ясаткан

Татарстанда узган тәүлектә коронавирус инфекциясеннән 18 143 кеше прививка ясаткан, дип хәбәр итә ТР Сәламәтлек саклау министрлыгының матбугат хезмәте.

Ведомство мәгълүматлары буенча, республикада прививка ясаткан гражданнар саны 1 710 821 җиткән. Вакцинацияләүнең тулы курсын 1 137 552 татарстанлы үткән.

Исегезгә төшерәбез, элегрәк ТР Сәламәтлек саклау министрлыгының баш штаттан тыш эпидемиологы Дмитрий Лопухов вакцинациянең агымдагы темпларын саклап калганда, Татарстанда коронавируска күмәк иммунитет 2022 елның гыйнварына формалашачак дигән иде.

Фото: pixabay.com