Татарстанда коронавируска каршы күмәк иммунитет формалаштыру вакытларын яңгыраттылар

2022 елның гыйнварына Татарстанда вакцинацияләүнең агымдагы темпларын саклаганда коронавируска карата күмәк иммунитет формалаштырылачак. Бу хакта ТР Сәламәтлек саклау министрлыгының баш штаттан тыш эпидемиологы Дмитрий Лопушов белдерде, дип хәбәр итә «Реальное Время».

Белгеч шулай ук республикада коллектив иммунитетны тәэмин итү өчен җитәрлек күләмдә «Спутник V» вакцинасы бар, дип билгеләп үтте.

Шул ук вакытта эпидемиолог гражданнарны «КовиВак» вакцинасы белән тәэмин ителүне көтмәскә чакырды.

Фото: pixabay.com