Татарстанда коронавирусны 242 кеше йоктырган

Татарстанда коронавирус белән авыруның 242 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

242 кешенең җитмешен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казан һәм Яр Чаллы шәһәрләренә туры килә. Биредә 141 һәм 17 кеше авырый.

Чистай районында 25 авыру очрагы теркәлгән.