Татарстанда 11 кеше коронавирус корбаны булган

Сәламәтлек саклау министрлыгы мәгълүматларына караганда, узган тәүлектә Татарстанда коронавирустан 11 кеше үлгән. ТРда пандемия башланганнан бирле COVID-19 вирусыннан барлыгы 1276 вафат булган.

Ковидның яңа корбаннары арасында 66дан 84 яшькә кадәрге дүрт ир-ат, шулай ук 41тән 90 яшькә кадәрге җиде хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com