Татарстанда коронавирустан 5 кеше вафат булган

Татарстанда узган тәүлектә коронавирустан биш үлем очрагы теркәлгән. ТРда пандемия башланганнан бирле COVID-19 вирусыннан үлү очраклары 1312гә җиткән. Бу хакта ТР Сәламәтлек саклау министрлыгы хәбәр итә.

ТРда 62 яшьтән алып 75 яшькә кадәрге өч ир-ат, шулай ук 82 һәм 84 яшьлек ике хатын-кыз ковидның яңа корбаны булган.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com