Татарстанда коронавирустан ике ир-ат һәм өч хатын-кыз вафат

Узган тәүлек эчендә Татарстан Сәламәтлек саклау министрлыгы коронавирустан биш үлем очрагын теркәгән. Шулай итеп, COVID-19 вирусы корбаннарының гомуми саны 1353кә җиткән.

Һәлак булучылар арасында 65 һәм 66 яшьлек ике ир-ат, шулай ук 68, 74 һәм 79 яшьлек өч хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com