Татарстанда коронавирустан тагын 6 кеше вафат булган

Татарстанда коронавирус корбаннарының рәсми саны 1497 кешегә кадәр җиткән. Узган тәүлектә ТР Сәламәтлек саклау министрлыгы COVID-19 вирусы белән бәйле тагын алты үлем очрагын теркәгән.

Коронавирусның яңа корбаннары арасында 65 һәм 89 яшьлек ике хатын-кыз һәм 71тән 81 яшькә кадәрге дүрт ир-ат бар.

Ведомствода билгеләп үтелгәнчә, татарстанлының үлем сәбәпләре патологоанатомик экспертиза барышында расланган.

Кичә Татарстан территориясендә коронавирус белән зарарлануның 103 очрагы теркәлгән.

Фото: pixabay.com