Татарстанда тагын 4 хатын-кыз һәм 2 ир-ат коронавирустан вафат

Узган тәүлек эчендә Татарстан Сәламәтлек саклау министрлыгы коронавирустан алты үлем очрагын теркәгән. Шулай итеп, ТРда COVID-19 вирусы корбаннарының гомуми саны 1512гә җиткән.

Яңа корбаннар арасында 64 яшьтән алып 84 яшькә кадәрге дүрт хатын-кыз, шулай ук 83 һәм 85 яшьлек ике ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com