Узган тәүлектә коронавирустан тагын 4 кеше вафат булган

Татарстанда коронавирус корбаннарының рәсми саны 1535 җиткән. Узган тәүлек эчендә ТР Сәламәтлек саклау министрлыгы COVID-19 вирусыннан тагын 4 үлем очрагын раслады.

Вафат булучылар арасында 60 яшьлек ир-ат һәм 68, 75 һәм 85 яшьлек өч хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com