Татарстанда коронавирус корбаннарының рәсми саны 1556га җиткән

Татарстанда коронавирус корбаннарының рәсми саны 1556 кадәр арткан. Узган тәүлектә ТР Сәламәтлек саклау министрлыгы 6 үлем очрагын теркәгән.

Вафат булучылар арасында 81 һәм 88 яшьлек ике хатын-кыз, шулай ук 61, 63, 66 һәм 74 яшьлек дүрт ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com