Татарстанда коронавирус белән авыручылар саны буенча рекорд куелды

Татарстанда коронавирус белән авыруның 297 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

297 кешенең кырыгын ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казанга, Яр Чаллыга һәм Яшел Үзәнгә туры килә. Биредә 126, 46 һәм 20 кеше авырый.

Исегезгә төшерәбез, Татарстанга 12-17 яшьлекләр өчен коронавируска каршы вакцина кайтарылды.

Фото: ТНВ