Татарстанда коронавирустан 37 яшьлек ир-ат вафат булган

Татарстанда 37 яшьлек ир-ат коронавирустан вафат булды. Узган тәүлектә ТР Сәламәтлек саклау министрлыгы COVID-19 вирусы нәтиҗәләре белән бәйле 5 үлем очрагын теркәгән.

Яшь ирдән тыш, ковидның яңа корбаннары арасында 66 һәм 69 яшьлек ике хатын-кыз, шулай ук 70 һәм 76 яшьлек ике ир-ат та бар. Шулай итеп, Татарстанда коронавирус корбаннарының рәсми саны 1587гә җиткән.

Исегезгә төшерәбез, кичә Татарстанда коронавирус белән тәүлеклек зарарлану саны 698гo артты.

Фото: pixabay.com