Татарстанда коронавирус белән авыручылар саны буенча яңа антирекорд куелды

Татарстанда көннән-көн коронавирус белән авыручылар саны арта. Соңгы тәүлектә исә бу сан кабат яңартылды - 848 яңа очрак. Бу хакта Сәламәтлек саклау министрлыгының матбугат хезмәте хәбәр итә.

848 кешенең җитмеш икесен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казанга, Яр Чаллыга һәм Түбән Камага туры килә. Биредә 453, 99 һәм 54 кеше авырый.

Исегезгә төшерәбез, Татарстанга 12-17 яшьлекләр өчен коронавируска каршы вакцина кайтарылды.

Фото: ТНВ