Татарстанда коронавирустан вафат булучылар саны 1599га җиткән

Татарстанда коронавирус корбаннарының саны 1599га җиткән. Узган тәүлектә ТР Сәламәтлек саклау министрлыгы COVID-19 вирусыннан тагын 5 үлем очрагын теркәгән.

Үлүчеләр арасында 68, 69 һәм 75 яшьлек өч хатын-кыз, шулай ук 59 һәм 75 яшьлек ике ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Кичә Татарстанда коронавирус белән 848 зарарлану очрагы теркәлгән.

Фото: pixabay.com