Татарстанда коронавирустан 2 хатын-кыз һәм 3 ир-ат үлгән

ТР Сәламәтлек саклау министрлыгы яңартылган мәгълүмат нигезендә, узган тәүлектә Татарстанда коронавирустан тагын биш үлем очрагы теркәлгән. Шулай итеп, республикада пандемия башыннан бирле үлүчеләрнең гомуми саны 1 699га җиткән.

Үлүчеләр арасында 44 һәм 83 яшьлек ике хатын-кыз, шулай ук 36, 70 һәм 90 яшьлек өч ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com