Татарстанда коронавирустан тагын өч ир-ат һәм өч хатын-кыз үлгән

Узган тәүлек эчендә ТР Сәламәтлек саклау министрлыгы коронавирустан алты үлем очрагын теркәгән. Шулай итеп, пандемия башланганнан бирле ТРда ковид корбаннарының гомуми саны 1 733кә җиткән.

Алар арасында 50, 60 һәм 82 яшьлек өч ир-ат, шулай ук 72, 76 һәм 83 яшьлек өч хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com