Татарстанда коронавирус белән зарарланучылар саны 1403кә кадәр кимегән

Татарстанда коронавирус белән авыручыларның 1403 яңа очрагы теркәлгән. Кичә бу зәһәр авыруны 1685 йоктырган иде. Бу хакта Сәламәтлек саклау министрлыгының матбугат хезмәте хәбәр итә.

Роспотребнадзорның ТР буенча идарәсе башлыгы урынбасары Любовь Авдонина билгеләп үткәнчә, бүгенге көндә Татарстан Республикасында ковидның омикрон-штаммы 90% тәшкил итә, калган 10% дельта-штаммга туры килә.

Узган атна белән чагыштырганда авыручылар саны 30 процентка кимегән.

Фото: pexels.com