Татарстанда коронавирусны тагын 717 кеше йоктырган

Узган тәүлектә Татарстан Сәламәтлек саклау министрлыгы COVID-19 вирусы белән 717 зарарлану очрагын теркәгән. Алдагы көнне 733 кеше йогышлы авыруны эләктергән иде.

Авырулар арасында 119 балигъ булмаган бала бар. 717 кешенең йөз алтмыш җидесен ашыгыч рәвештә хастаханәгә салганнар, калганнары үз йортларында дәваланачаклар.

Гадәттәгечә, ковидның иң күп очракларын Казанда теркәгән - 231 яңа очрак. Яр Чаллыда - 73, Түбән Кама районында - 53 очрак теркәлгән.

Фото: pixabay.com