Татарстанда коронавирустан тагын 4 кеше үлгән

Татарстанда узган тәүлектә COVID-19 вирусыннан республиканың тагын дүрт кешесе үлгән. Шулай итеп, пандемия башыннан бирле коронавирустан үлүчеләр саны 1 795кә җиткән.

Корбаннар арасында 84 яшьлек ир-ат, шулай ук 73, 85 һәм 87 яшьлек өч хатын-кыз бар.

Ведомствода билгеләп үтелгәнчә, аларның үлеменең сәбәпләре патологоанатомик экспертиза барышында расланган.

Исегезгә төшерәбез, Татарстанда аерым категория гражданнар өчен коронавируска каршы мәҗбүри вакцинация гамәлдән чыгарыла.

Фото: pixabay.com