Татарстанда коронавирустан 1824 кеше үлгән

Татарстанда пандемия башланганнан бирле коронавирустан үлүчеләр саны 1 824кә җитте. Узган тәүлек эчендә ТР Сәламәтлек саклау министрлыгы тагын биш үлем очрагын теркәгән.

Үлүчеләр арасында 83 яшьлек хатын-кыз һәм 64, 73, 78 һәм 82 яшьлек дүрт ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com