Пандемия башланганнан бирле Татарстанда коронавирустан 1863 кеше үлгән

Татарстанда пандемия башланганнан бирле коронавирус инфекциясе корбаннарының рәсми саны 1 863кә җитте. Узган тәүлектә республика Сәламәтлек саклау министрлыгы тагын биш үлем очрагын теркәгән.

Үлүчеләр арасында 1941 елда туган хатын-кыз һәм 1949, 1952, 1955 һәм 1973 елларда туган дүрт ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com