Татарстанда коронавирустан бер хатын-кыз һәм биш ир-ат үлгән

Узган тәүлек эчендә Татарстан Сәламәтлек саклау министрлыгы коронавирустан алты үлем очрагын теркәгән. Шулай итеп, ТРда пандемия башланганнан бирле вирус корбаннарының рәсми саны 1 896га җиткән.

Алар арасында 1954 елда туган хатын-кыз һәм 1934, 1940, 1942, 1952 һәм 1957 елларда туган биш ир-ат бар.

Ведомствода билгеләп үтелгәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com