Татарстанда коронавирустан 1900 кеше үлгән

Татарстанда пандемия башланганнан бирле коронавирус инфекциясе корбаннарының рәсми саны 1 900гә җиткән. Узган тәүлектә республика Сәламәтлек саклау министрлыгы тагын дүрт үлем очрагын теркәгән.

COVID-19 вирусының яңа корбаннары арасында 1938 елда туган ир-ат, шулай ук 1938, 1940 һәм 1946 елларда туган өч хатын-кыз бар.

Сәламәтлек саклау министрлыгында билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com