Татарстанда коронавирустан үлүчеләр саны 1914кә җитте

Татарстанда пандемия башланганнан бирле коронавирус корбаннарының рәсми саны 1 914кә җитте. Узган тәүлектә республика Сәламәтлек саклау министрлыгы тагын биш үлем очрагын теркәгән.

Үлүчеләр арасында 1948 һәм 1956 елларда туган ике хатын-кыз, шулай ук 1936, 1940 һәм 1949 елларда туган өч ир-ат бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com