Татарстанда коронавирустан 1920 кеше үлгән

Татарстанда пандемия башланганнан бирле COVID-19 вирусыннан 1 920 кеше үлгән. Узган тәүлектә республика Сәламәтлек саклау министрлыгы тагын алты үлем очрагын теркәгән.

Коронавирусның яңа корбаннары арасында 1924 һәм 1937 елларда туган ике хатын-кыз, шулай ук 1934, 1942, 1948 һәм 1956 елларда туган дүрт ир-ат та бар.

Ведомствода билгеләп үтелгәнчә, татарстанлыларның үлем сәбәпләре патологоанатомик экспертиза нәтиҗәсендә расланган.

Исегезгә төшерәбез, кичә Татарстанда коронавирус йоктыруның 253 очрагы ачыкланды, шулар арасында 28 балигъ булмаган татарстанлы бар.

Фото: pixabay.com