Татарстанда коронавирустан үлүчеләр саны 1925кә җитте

Пандемия башланганнан бирле Татарстанда COVID-19 вирусы корбаннарының рәсми саны 1 925кә кадәр җиткән. Узган тәүлектә республика Сәламәтлек саклау министрлыгы биш үлем очрагын теркәгән иде.

Ковидның яңа корбаннары арасында 1937 һәм 1941 елларда туган ике хатын-кыз, шулай ук 1930, 1953 һәм 1980 елларда туган өч ир-ат бар.

Ведомствода билгеләп үтелгәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com