Татарстанда COVID-19 белән тәүлек эчендә зарарланучылар саны 245кә кадәр кимегән

Татарстанда коронавирус белән авыручылар саны 245кә кадәр кимегән. Авыруларның 34е - хастаханәдә, калганнары үз йортларында дәваланачаклар.

Зарарлану очракларының иң күбе Казанга туры килә -91 кеше. ТР Әлмәт һәм Яшел Үзән районнарында 21 һәм 20 очрак ачыкланган.

Исегезгә төшерәбез, пандемия башланганнан бирле Татарстанда коронавирустан 1 942 кеше үлгән. Кичә республика Сәламәтлек саклау министрлыгы дүрт үлем очрагын теркәде.

Фото: pixabay.com