Татарстанның тагын 52 кешесе коронавирус белән хастаханәгә эләккән

Узган тәүлек эчендә Татарстанда «коронавирус» диагнозы белән 52 кеше хастаханәгә салганнар. Татарстанда соңгы 24 сәгать эчендә 179 кешедә COVID-19 ачыкланган.

Cтопкоронавирус.рф порталы мәгълүматлары буенча, COVID-19 вирусы аркасында бер татарстанлы вафат булган. Шулай итеп, пандемия башланганнан бирле Татарстанда коронавирустан 1 993 кеше үлгән.

Табиб-пульмонолог Андрей Белевский, коронавирус инфекциясеннән соң сулыш системасында калган үзгәрешләр, сәламәт яшәү рәвешен саклаган очракта, кискен зыяннардан башка гына узарга мөмкин, дип белдерде.

Фото: ТНВ